مەملەكەت باسشىسى ۆولونتەر جىلىنىڭ جابىلۋ راسىمىندە كولونتەرلىك قىزمەتتى قولداۋدىڭ بىرىڭعاي ستاندارتىن جاساۋدى تاپسىردى, دەپ حابارلايدى Egemen.kz.
"ەرىكتىلەر قىزمەتىن ۇيىمداستىرۋدىڭ باستى تالاپتارى مەن ۇستانىمدارىن ايقىنداپ العان ءجون. وسى ماقساتپەن ۆولونتەرلىك قىزمەتتى قولداۋدىڭ بىرىڭعاي ستاندارتىن جاساۋدى تاپسىرامىن. ۆولونتەرلىك – بۇل جاي عانا الەۋمەتتىك قۇبىلىس ەمەس. ءتىپتى, ءبىر كۇندە قالىپتاساتىن ادەت نەمەسە داعدى دەۋگە دە بولمايدى. بۇل – كوپتەگەن ادامداردىڭ سانالى تۇردە تاڭداعان ءومىر سالتى. قايىرىمدىلىق – ادامنىڭ بالا كەزىنەن بويعا سىڭەتىن قاسيەت. سوندىقتان, وسكەلەڭ ۇرپاقتى جاستايىنان جاقسىلىق جاساۋعا تاربيەلەۋ – وتە ماڭىزدى مىندەت", دەدى پرەزيدەنت.
وسى رەتتە, ول بارلىق ءبىلىم بەرۋ مەكەمەلەرىندە تاقىرىپتىق ساباقتار مەن فاكۋلتاتيۆتىك ساعاتتار ەنگىزۋدى ۇسىندى.
"قوعامعا قىزمەت ەتۋدى زەردەسىنە تۇيگەن ۇل-قىزدارىمىز ناعىز ازامات بولارى انىق. دانا اباي ايتقان "ىستىق قايرات, نۇرلى اقىل, جىلى جۇرەك" ءدال قازىرگى كەزەڭدە اۋاداي قاجەت. بۇل اسىل قاسيەتتەر ۆولونتەر قاتارىنا قوسىلامىن دەگەن ءاربىر جاستىڭ بويىنان تابىلادى دەپ سەنەمىن", دەدى ق.توقاەۆ.